+24 °C, +16 °C ... +28 °C Վաղը`+28 °C
Նորագավիթի սուսերամարտի մարզադպրոցում նոյեմբերի 16-17-ը անցկացվում է սուսերամարտի միջազգային մրցաշար, որին մասնակցում են 110 մարզիկներ Հայաստանից և Վրաստանից։ Այս մասին հայտնում է ՀԱՕԿ-ի պաշտոնական կայքը: Մրցաշարի բացման արարողությունից հետո Հայաստանի սուսերամարտի ֆեդերացիայի նախագահ, ՀԱՕԿ նախագահի խորհրդական Արմեն Գրիգորյանը ՀԱՕԿ լրատվականի հետ զրույցում խոսել է մրցաշարի կարևորության մասին։ «Մրցաշարին մասնակցում են պատանիները, այստեղ են նաև Վրաստանի հավաքականի անդամները։ Կա ցանկություն, որ պատանիները միասին զարգանան։ Մրցաշարը շատ օգտակար է, քանի որ ամեն ինչ սկսվում է այս տարիքից։ Նպատակն այն է, որ այստեղ մասնակցած մարզիկները հետագայում համալրեն հավաքականը: Մենք ունենք խոստումնալից մարզիկներ, որոնք իրենց խոսքը կասեն ապագայում։ Հաջորդ տարի հավաքականը կմասնակցի վարկանիշային մրցաշարերի և լավ արդյունքի դեպքում կունենանք մասնակից Տոկիոյի Օլիմպիական խաղերում։ Հաջորդ տարվանից մրցաշարի աշխարհագրությունը կմեծանա (նախորդ տարիներին մրցաշարին մասնակցել են նաև մարզիկներ Ռուսաստանից, ԱՄՆ-ից, Քուվեյթից): Կարևորում եմ այսպիսի մրցաշարերի անցկացումը, քանի որ, եթե ունենանք ճիշտ ու լավ հիմք, կունենանք նաև ապագա»,- ասել է Արմեն Գրիգորյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am