ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+17 °C, +8 °C ... +21 °C Վաղը`+21 °C
Կոռուպցիայի կանխարգելման հանձնաժողովի անդամի թեկնածուն՝ «Գլանժ Ալկո»-ի հետ կապի մասին
14:55, 18.11.2019 | mamul.am
3576 | 0

«Անձամբ չեմ քննել կոռուպցիոն հանցագործության հետ կապված գործ, որ իմանամ, թե ինչ գործեր են ուղարկվել դատարան: Իմ ուղղվածությունը եղել է կիբերհանցագործությունների ոլորտում». նոյեմբերի 18-ին ԱԺ-ում հայտարարեց ԲՀԿ-ի կողմից Կոռուպցայի կանխարգելման հանձնաժողովի անդամ առաջադրված Նարեկ Համբարձումյանը՝ ի պատասխան ԱԺ նախագահ Արարատ Միրզոյանի այն հարցի, թե երբևէ որևէ պաշտոնյայի հետ կախված կոռուպցիոն կծիկ բացահայտե՞լ է:

Նշենք, որ Ն.Համբարձումյանը 2014-18թթ. որպես քննիչ է աշխատել ՀՀ քննչական կոմիտեում:

Ա.Միրզոյանի 2-րդ հարցին, թե «Գլանժ Ալկո» ՍՊԸ-ն, որի ֆինանսական գծով փոխտնօրեն է աշխատել թեկնածուն, կապ ունի՞ քաղաքական որևէ ուժի հետ, հանձնաժողովի անդամի թեկնածուն նշեց. «Դա մեր ընտանեկան կազմակերպությունն է: Հիմնադրվել է հորս կողմից՝ 1995թ., մեր գերդաստանում էլ որևէ պաշտոնատար անձ չկա»:

Կիսվի՛ր այս նյութով՝
դեպի վեր