Աստվածամոր տաճարի սպասավոր Պատրիկ Շովեն խոստովանել է, որ շինությունը չի կարողանա լիարժեք վերականգնվել ապրիլյան հրդեհից հետո, գրում է Associated Press-ը: Ըստ տաճարի սպասավորի՝ դեռևս վաղ է խոսել այն մասին, որ շինության փլուզման սպառնալիք չկա: «Տաճարին փլուզման վտանգ չի սպառնա, երբ մենք դուրս հանենք մնացած շինարարական լաստակները։ Այսօր մենք կարող ենք ասել, որ 50% հավանականություն կա, որ այն չի փլուզվի»,- հավելել է Պատրիկ Շովեն:

Հիշեցնենք՝ Փարիզի Աստվածամոր տաճարում խոշոր հրդեհը բռնկվել էր 2019 թվականի ապրիլի 15-ին։ Հրդեհի հետևանքով փլուզվել էր տաճարի կենտրոնական ծայրաձողը, զգալի վնաս է հասցվել ներքին հարդարանքին, եկեղեցու վերին պատերին ու պատուհաններին։ Նախագահ Էմանուել Մակրոնը խոստացել էր վերակառուցել տաճարը, և այդ նպատակով հայտարարել համազգային դրամահավաք։