Սոմալիի մայրաքաղաք Մոգադիշոյում ականապատ մեքենայի պայթյունի հետևանքով զոհվել է ավելի քան 90 մարդ։ Այս մասին հայտարարել է խորհրդարանի անդամ Աբդիրիզակ Մուհամեդը, գրում է РБК-ն։
Զոհվել է 17 ոստիկան, 73 քաղաքացիական անձ, այդ թվում՝ 4 օտարերկրացի:
Ավելի վաղ Associated Press-ը հայտնել էր, որ պայթյուն է տեղի ունեցել Սոմալիի մայրաքաղաքի բանուկ խաչմերուկներից մեկում: Տասնյակ վիրավորներ, այդ թվում՝ երեխաներ, տեղափոխվել են հիվանդանոցներ: Ականապատ մեքենան պայթեցվել է հարկերի հավաքման կենտրոնի հարևանությամբ:
Առայժմ որևէ խմբավորում չի ստանձնել ահաբեկչության պատասխանատվությունը: