National Public Radio կայքում հրապարակվել է արբանյակից արված լուսանկարը, որը ցույց է տալիս Իրաքի արևմուտքում տեղակայված «Ային ալ-Ասադ» ավիաբազայի ուղղությամբ՝ «երկիր-երկիր» դասի բալիստիկ հրթիռների միջոցով իրականացված հարվածների հետևանքները:

Planet-ի և Միդլբերի միջազգային հետազոտությունների ինստիտուտի տրամադրված լուսանկարում կարելի է տեսնել հրթիռային հարձակման հետևանքով վնասված շինությունները:

NPR-ն նշել է, որ, դատելով լուսանկարներից, առնվազն հինգ շենքեր զգալի վնասներ են կրել: