+16 °C, +16 °C ... +28 °C Վաղը`+28 °C
Մամուլում տեղեկություններ են շրջանառվում, որ Սահմանադրական դատարանի նախագահ Հրայր Թովմասյանը հարցաքննության է հրավիրվել ՀՔԾ։ ՍԴ աշխատակազմի ղեկավար Էդգար Ղազարյանը, տեղեկությունը հաստատելու կամ հերքելու MAMUL.am-ի հարցին ի պատասխան ասաց՝ ես տեղյակ չեմ: Նույն հարցով դիմեցինք նաև ՍԴ նախագահի պաշտպան Ամրամ Մակինյանին և ՀՔԾ մամուլի խոսնակ Մարինա Օհանջանյանին: Պաշտպանն ասաց, որ «Սահմանադրական դատարանի մասին» օրենքի կարգավորումները որոշակի առանձնահատկություններ են սահմանում դատավորների հետ կապված քննչական գործողությունների հանրայնացման առումով՝ պայմանավորված դատական իշխանության հեղինակության պահպանության անհրաժեշտությամբ: Ուստի՝ ես չեմ կարող հաստատել այդ տեղեկությունը»: ՀՔԾ մամուլի խոսնակ Մարինա Օհանջանյանն էլ նշեց. «Տեղեկատվություն չենք տրամադրում այդ մասին»: Հիշեցնենք, որ ՍԴ նախագահ Հրայր Թովմասյանին մեղադրանք է առաջադրվել ՀՀ ՔՕ-ի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ): |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am