ՌԴ նախագահ Վլադիմիր Պուտինի` Դաշնային խորհրդի անդամներին ուղղված ելույթից հետո, վարչապետ Դմիտրի Մեդվեդևը հայտարարել է, որ Կառավարությունն ամբողջ կազմով հրաժարական է ներկայացնում, գրում է ТАСС-ը: «Կարծում եմ՝ ճիշտ կլինի, որ Ռուսաստանի Դաշնության Սահմանադրության 117-րդ հոդվածի համաձայն, երկրի ներկայիս Կառավարությունը հրաժարական ներկայացնի»,- նշել է Մեդվեդևը: Նա բացատրել է, որ որոշումը կապված է սահմանադրական փոփոխությունների հետ: Նշենք, որ Պուտինը Դմիտրի Մեդվեդևին առաջարկել Է Ռուսաստանի Անվտանգության խորհրդի քարտուղարի տեղակալի պաշտոնը։ |