Mamul.am
Ամբողջական տարբերակ
USD 479.05, EUR 519.53, RUB 7.54, GBP 624.39
-2 °C, -2 °C ... +1 °C Վաղը`+3 °C
Hay / Հայ | Рус | Eng | Tür
Պռոշյան գյուղում ավտովթարից կա զոհ
10:30, 25.01.2020

Հունվարի 25-ին, ժամը 02:54-ին 911 ահազանգման կենտրոն ահազանգ է ստացվել, որ Կոտայքի մարզի Պռոշյան գյուղում տեղի է ունեցել ՃՏՊ՝ ավտոմեքենան շրջվել:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ «ՎԱԶ-2114» մակնիշի ավտոմեքենան (վարորդ՝ Ռազմիկ Գ., ծնված 1983թ.) բախվել է ավտոճանապարհի բաժանարար հատվածում գտնվող ծառին, դուրս եկել հանդիպակաց երթևեկելի գոտի և կողաշրջվել. վարորդը տեղում մահացել է:

Ավտոմեքենայի ուղևորներ Արմինե (ծնված 1984թ.), Հեղինե (ծնված 2011թ.) և Մեսրոպ (ծնված 2005թ.) Գ-երը տեղափոխվել են Արմենիա ՀԲԿ, որտեղ բժիշկները Արմինե Գ-ի առողջական վիճակը գնահատել են ծայրահեղ ծանր:

Հեղինե և Մեսրոպ Գ-երը տեղափոխվել են «Սուրբ Աստվածամայր» ԲԿ, որտեղ բժիշկները նրանց առողջական վիճակը գնահատել են ծանր:

Փրկարարները հոսանքազրկել են ավտոմեքենան և Ռազմիկ Գ-ի դին մոտեցրել շտապօգնության ավտոմեքենային:

Տեղեկացրե՛ք Ձեր մտերիմներին
| |
դեպի վեր