«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Ոստիկանությունը, բնականաբար, չի կարող չգործել, երբ ունի ապօրինի զենք-զինամթերք կրելու (կամ պահելու) մասին օպերատիվ-հետախուզական միջոցառումներով ստացված տեղեկատվություն: Բայց «Ադեկվատների» հետ կապված այսօրվա դեպքերով կա երկու խնդիր՝ 1. Իշխանության ընդդիմախոսների հետ կապված որևէ գործողություն կատարելիս ոստիկանությունը պետք է հանրությանն առավել հաշվետու լինի (տա պարզաբանումներ, ներկայացնի մանրամասներ և այլն): Հակառակ դեպքում մարդկանց կողմից այդ գործողությունը կարող է ընկալվել որպես քաղաքական հետապնդում: 2. Բերման ենթարկելիս ոստիկանության ծառայողների կողմից ֆիզիկական ուժի (այդ թվում` հատակին պառկեցնելով արտահայտված) ու հատուկ միջոցների (այդ թվում` ձեռնաշղթաների) կիրառումը չի կարող լինել ինքնանպատակ և պետք է արվի բացառապես «Ոստիկանության մասին» օրենքով սահմանված հիմքերի առկայության դեպքում»: |