Էլեկտրական մեքենաներ արտադրող Tesla կազմակերպության բաժնետոմսերի գինն աճել է, երբ ընկերությունը ներկայացրել է 2019 թվականի չորրորդ եռամսյակի արդյունքները, գրում է Bloomberg-ը: Արդյունքները գերազանցել են 2018 թվականի հոկտեմբեր-դեկտեմբեր ամիսների ցուցանիշները և վերլուծաբանների կանխատեսումները: Եռամսյակում ընկերության եկամուտը կազմել է 7,384 միլիարդ դոլար՝ ակնկալվող 7,02 միլիարդ դոլարի դիմաց, իսկ ճշգրտված շահույթը մեկ բաժնետոմսի համար կազմել է 2,14 դոլար (կանխատեսվել էր 1,72 դոլար): Ըստ Bloomberg-ի փորձագետների՝ ընկերության բաժնետոմսերի մոտ մեկ հինգերորդը պատկանում է Tesla-ի հիմնադիր Իլոն Մասքին, ով ընդամենը մեկ ժամում իր կարողությունն ավելացել է 2,3 մլրդ դոլարով, որը կազմել է մոտ 36 միլիարդ դոլար:

2019-ի վերջին եռամսյակի ընթացքում Tesla-ն վաճառել է ավելի քան 112 հազար մեքենա, ինչը լավագույն արդյունքն է ընկերության պատմության մեջ: