Կանադացի փաստաբանները խմբային դատական հայց են ներկայացրել Իրանի իշխանությունների դեմ՝ պահանջելով հունվարի սկզբին առնվազն 1,5 միլիարդ կանադական դոլար (1,1 միլիարդ դոլար) վճարել «Ուկրաինայի միջազգային ավիաուղիներ» ընկերությանը պատկանող Boeing 737 ինքնաթիռի խոցման համար: Այդ մասին հայտնում է Reuters գործակալությունը՝ հղում անելով դատական գործին և փաստաբան Ջոն Առնոլդին:

Գործով պահանջի հասցեատեր են համարվում Իրանի գերագույն հոգևոր առաջնորդ Այաթոլլա Ալի Խամենեին, Իրանի իսլամական հեղափոխության պահապանների կորպուսի (ԻՀՊԿ) «Ղոդս» ստորաբաժանման ղեկավարներ, այդ թվում՝ գեներալ-մայոր Ամիր Ալի Հաջիզադեն, օդուժի և զինված ուժերի ղեկավարները,- հայտնում է գործակալությունը:

Գլխավոր հայցվորի անունը չի բացահայտվում, բայց, ըստ նախնական տեղեկությունների՝ նա տուժողներից մեկի մերձավոր ազգականն է: Գործակալությունը նշում է, որ նրա անունը պետք է գաղտնի պահվի՝ իշխանությունների կողմից նրա իսկ ընտանիքի անվտանգության նկատառումներից ելնելով: