Արդեն հայտնել էինք, որ «Քաղաքացիական գիտակցություն» ՀԿ նախագահ Նարեկ Սամսոնյանը ներգրավվել է որպես մեղադրյալ: Այսօր նրան կանչել են ՀՔԾ հարցաքննության: «Սա բացահայտ քաղաքական հետապնդում է: Ունի երկու նպատակ. առաջինը Аntifake.am-ի գործունեությունը խոչընդոտելն է, երկրորդը, որ ինձ մեկուսացնեն մինչև հանրաքվեն. քարոզչության ընթացքում ես լինեմ մեկուսացված»,- լրագրողների հետ զրույցում ասաց Սամսոնյանը: Ըստ ՀՔԾ ծանուցագրի՝ Սամսոնյանը մեղադրվում է սուտ մատնություն կատարելու համար: |