+16 °C, +16 °C ... +29 °C Վաղը`+28 °C
ՀՀ վարչապետ Նիկոլ Փաշինյանը Հանրային հեռուստաընկերության եթերում անդրադարձել է Սահմանադրական դատարանի շուրջ ստեղծված իրավիճակին և սպասվող հանրաքվեին: «Հենց այսօր, հենց այս պահին արդեն մեկ տարուց ավելի գործող ՍԴ-ն մենք չենք ունենա մինչև 2035 թվականը, եթե այսօր որևէ բան չփոխենք մեր Սահմանադրության մեջ: Ինչո՞ւ է սա կարևոր. մենք բոլորովին նոր կառավարական համակարգ ենք ներդրել 2015 թվականի նոր Սահմանադրությամբ և այդ նոր կառավարական համակարգը, ինքը մեխանիզմ է, որը մեկ ամբողջություն է, և այդ մեխանիզմի բոլոր դետալները պետք է համապատասխանեն այն պարամետրերին, որը նկարագրված է մեր Սահմանադրության մեջ»,- նշել է վարչապետը: Հարցին, թե ինչո՞ւ է այս ամենն արվում այսքան արագ, ինչո՞ւ միանգամից չդնել հանրաքվեի նոր Սահմանադրությունը, վարչապետը պատասխանել է. «Գլոբալ սահմանադրական փոփոխությունները շատ լուրջ խորքային, բովանդակային փոփոխություն են ենթադրում, և երբ խոսում ենք սահանադրական փոփոխությունների մասին, խոսում ենք գործող սահմանադրության զարգացման մասին, իսկ դա զարգացնելը հնարավոր չէ, եթե գործող Սահմանադրությունը դե ֆակտո չի մտել ուժի մեջ: Կոպիտ ասած, մենք այսօր ուզում ենք եղած Սահմանադրությունը բերել ուժի մեջ և ունենալ սահմանադրական իրականություն»,- ասել է Փաշինյանը: Մանրամասները՝ տեսանյութում:
Վարչապետը՝ հանրաքվեի և ՍԴ-ի շուրջ ստեղծված իրավիճակի մասին |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am