Հանրային կառավարման մասնագետ Սոսի Թաթիկյանը ֆեյսբուքյան իր էջում գրել է. «Ժողովուրդ, ճի՞շտ եմ լսել, որ ՄԻԱՎ-ի ու սուր վարակիչ հիվանդությունների կլինիկաները Հայաստանում ուզում են միացնել կորոնավիրուսի համաճարակի պայմաններում: Հիշեցնեմ, որ Համաշխարհային առողջապահության կազմակերպության տնօրենը հայտարարել է, որ ոչ մի երկիր չի կարող հույս ունենալ, որ կորոնան չի ներթափանցի իրենց մոտ:

Ես առողջապահության ու բժշկության հետ որևէ կապ չունեցող մարդ եմ, սակայն տարրական տրամաբանությունը հուշում է, որ այդ քայլը ճակատագրական կլինի ՄԻԱՎ-ի հիվանդների համար, քանի որ եթե նրանք վարակվեն որևէ հիվանդությամբ, հատկապես առանց այդ էլ մահաբեր կորոնայով, նրանք կմահանան: Հիշեցնեմ, որ Չինաստանի հիվանդանոցներում կորոնայով հիվանդներին ռոբոտներն են ուտելիք բերում:

Մյուս կողմից էլ, հաշվի առնելով ՄԻԱՎ-ով հիվանդների հանդեպ առկա սոցիալական ստիգմաները, կորոնայով հիվանդացածները կարող են վախենալ/հրաժարվել ՄԻԱՎ-ով հիվանդների հետ նույն հիվանդանոցում բուժվելուց, ինչքան էլ որ դա արդարացված չլինի, քանի որ ՄԻԱՎ-ը օդակաթիլային ճանապարհով չի անցնում, և դրա պատճառով նույնիսկ թաքցնել կորոնայով հիվանդ լինելը ու փորձեն ինքնաբուժվել տնական պայաններում, ինչը նույնպես կարող է ճակատագրական լինել:

Ավելի լավ չէ՞ կորոնավիրուսին նախապատրաստվել, քան թե անել քայլեր, որոնք ավելի ճակատագրական կդարձնեն դրա ներթափանցումը Հայաստան»: