«Ես ինքս կարդացել եմ այդ գրառումը: Հանձնարարել եմ Արմավիրի մարզային կառույցին, որ շրջայց իրականացնեն և պարտադրեն վաճառողներին դիմակներ կրեն և ձեռնոց հագնեն». մարտի 25-ին փաստաբան Նորայր Նորիկյանի սոցցանցային գրառման արձագանքի վերաբերյալ ասաց Սննդամթերքի անվտանգության տեսչական մարմնի ղեկավար Գեորգի Ավետիսյանը: Ինչ վերաբերում է հացը փաթեթավորված վաճառելու պահանջին, ապա ըստ տեսչական մարմնի ղեկավարի՝ չկա որևէ իրավական կարգավորում, որ հացը պետք է փաթեթավորված լինի: Սակայն շատ տնտեսվարողներ Սննդամթերքի անվտանգության տեսչական մարմնի հորդորով փաթեթավորված են վաճառում: Գ. Ավետիսյանը նկատեց, որ սննդամթերքից կորոնավիրուսով վարակվել հնարավոր չէ: Նա նշեց նաև, որ արդեն կան պարետի ցուցումով կիրառվելիք պատժամիջոցներ, որոնց մասին մանրամասներ կհայտնեն առաջիկայում: |