+25 °C, +16 °C ... +27 °C Վաղը`+28 °C
Հանրապետական սենատոր Լինդսի Գրեհեմը Սենատ է ներկայացրել COVID-19-ի համար պատասխանատվության օրինագիծ, որն ԱՄՆ նախագահ Դոնալդ Թրամփին թույլ կտա պատժամիջոցներ կիրառել Չինաստանի նկատմամբ, եթե երկիրը լիարժեք զեկույց չներկայացնի կորոնավիրուսի բռնկման վերաբերյալ, գրում է Интерфакс-ը։ «Ես վստահ եմ, որ եթե չլիներ Չինաստանի Կոմունիստական կուսակցության խաբեությունը, ապա ԱՄՆ-ում համավարակ չէր լինի: Չինաստանը հրաժարվում է միջազգային հանրությանը թույլ տալ Ուհանի լաբորատորիայում հետաքննություն անցկացնել: Նրանք հրաժարվում են մասնագետներին թույլ տալ ուսումնասիրել, թե ինչպես է տարածվել համավարակը: Ըստ ինձ՝ Չինաստանը երբեք չի համագործակցի լուրջ հետաքննության հետ, քանի դեռ ստիպված չէ դա անել: Այս կոշտ օրինագիծը պատժամիջոցներ կկիրառի Չինաստանի նկատմամբ, քանի դեռ երկիրը չի համագործակցում»,- ասել է սենատորը: Փաստաթղթի համաձայն, Թրամփը 60 օրվա ընթացքում պետք է հաստատի Կոնգրեսին, որ Չինաստանը լիարժեք զեկույց է տրամադրել ԱՄՆ-ին, նրա դաշնակիցներին կամ ՄԱԿ-ի սուբյեկտների կողմից իրականացված ցանկացած հետազոտության վերաբերյալ։ Բացի այդ, Գրեհեմը պահանջում է, որպեսզի Չինաստանի իշխանությունները փակեն ծովամթերքների բոլոր շուկաները և ազատ արձակեն Հոնկոնգում ձերբակալված ակտիվիստներին՝ համաճարակի տարածումից ի վեր: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am