Մարտի վերջի տվյալներով՝ Թուրքիայում ռուսական գազի մատակարարումները նախորդ տարվա նույն ժամանակահատվածի համեմատությամբ ընկել են 7 անգամ` 1,418 միլիարդից հասնելով 210 միլիոն խորանարդ մետրի, գրում է Интерфакс գործակալությունը՝ վկայակոչելով Դաշնային մաքսային ծառայության (ФТС) տվյալները: 2018-ի համեմատ գազի մատակարարման ծավալը նվազել է 14 անգամ: Թուրքիան, որը նախկինում զբաղեցնում էր «Газпром» ընկերության խոշոր գնորդների 2-րդ տեղը, այժմ ավելի քիչ գազ է գնում, քան Լիտվան: Ընդհանուր առմամբ՝ թուրքական ընկերությունները 2019 թվականին ներմուծել են 9,1 միլիոն տոննա հեղուկ բնական գազ, հիմնականում առաքումներ են իրականացրել Ալժիրից, Քաթարից, Նիգերիայից և ԱՄՆ-ից: |