Տոկիոյի օլիմպիական ամառային խաղերը հնարավոր է ընդհանրապես չեղարկվեն, եթե չանցկացվեն 2021 թվականի ամռանը:

Այս մասին հայտարարել է ՄՕԿ-ի նախագահ Թոմաս Բախը: Տոկիոյում խաղերը պետք է կայանային 2020-ի հուլիսի 23-ին, բայց կորոնավիրուսի համաճարակի պատճառով մրցաշարը հետաձգվեց մեկ տարով: Ապրիլի վերջին Ճապոնիայի վարչապետ Սինձո Աբեն հայտարարեց, որ եթե երկիրը չկարողանա հաղթահարել կորոնավիրուսը, ապա Տոկիոյում մեկ տարվա ընթացքում հնարավոր չի լինի խաղեր անցկացնել: