Ամերիկյան իշխանությունները վերջին մի քանի օրերի ընթացքում ծավալված բողոքի ցույցերի ընթացքում ձերբակալել են մոտ 4,1 հազար մարդու, գրում է The Associated Press գործակալությունը:

Նշված անձանց առաջադրվել են, մասնավորապես, կողոպուտի, պարետային ժամի խախտման, ճանապարհները փակելու մեղադրանքներ:

Գործակալությունը նշում է, որ պարետային ժամ է հաստատվել ԱՄՆ տասնյակ քաղաքներում՝ այդ թվում Լոս Անջելեսում, Սան Ֆրանցիսկոյում, Չիկագոյում, Ատլանտայում, Դենվերում և Սիեթլում։
Ազգային գվարդիան մոբիլիզացվել է 15 նահանգներում, ինչպես նաև Կոլումբիա դաշնային շրջանում: Կարգուկանոնի վերանագման համար ներգրավված է մոտ 5 հազար զինվորական: