ՄԱԿ-ի Գլխավոր ասամբլեան ընտրել է 2021-2022 թվականների Անվտանգության խորհրդի հինգ ոչ մշտական անդամներին։ Հնդկաստանը, Իռլանդիան, Մեքսիկան և Նորվեգիան կփոխարինեն Բելգիային, Գերմանիային, Դոմինիկյան Հանրապետությանը, Ինդոնեզիային և Հարավային Աֆրիկային: Այդ մասին են վկայում կազմակերպության Գլխավոր ասամբլեայի քվեարկության արդյունքները:

Իռլանդիան ստացել է 128 ձայն, Նորվեգիան՝ 130, Մեքսիկան՝ 187, իսկ Հնդկաստանը՝ 184:
Կանադան, որը Եվրոպայի և այլ երկրների մի խմբում մրցել է Նորվեգիայի և Իռլանդիայի հետ, ձայների բավական քանակ չի ստացել: Աֆրիկայից հաղթողը կորոշվի երկրորդ փուլի արդյունքում, քանի որ ո՛չ Քենիան, ո՛չ Ջիբութին չեն ստացել անհրաժեշտ միավորներ: