Mamul.am
Ամբողջական տարբերակ Մամուլի խոսնակ
USD 485.83, EUR 570.56, RUB 6.57, GBP 633.62
+20 °C, +18 °C ... +28 °C Վաղը`+30 °C
Hay / Հայ | Рус | Eng | Tür
ԱՄՆ-ն առցանց սովորող արտասահմանցի ուսանողներից պահանջում է լքել երկիրը
19:40, 07.07.2020

Միացյալ Նահանգներում սովորող արտասահմանցի ուսանողներն ստիպված կլինեն լքել երկիրը, եթե այն հաստատություններում, որտեղ նրանք կշարունակեն ուսումը աշնանը մեկնարկող ուսումնական տարում, ուսուցումն ամողջովին առցանց լինի: Այս մասին ասված է Ներգաղթի և մաքսային օրենքների պարտադրման (Immigration & Customs Enforcement, ICE) կողմից տարածված հաղորդագրությունում։ Սահմանափակումները կվերաբերեն F-1 և M-1 վիզա ունեցող ուսանողներին։ Նաև նշվում է, որ այն ուսանողները, որոնց համալսարանները որոշում կկայացնեն անցնել առցանց կրթության, չեն տրամադրվի երկիր մուտք գործելու արտոնագրեր։

ԱՄՆ-ում մնալու համար ուսանողները կարող են տեղափոխվել մեկ այլ ուսումնական հաստատություն, որտեղ դասերն անցկացվում են ոչ առցանց: «Հակառակ դեպքում, ուսանողները կարող են բախվել ներգաղթի հետևանքների հետ՝ ներառյալ երկրից արտաքսումը»,- նշվում է հաղորդագրության մեջ:

Տեղեկացրե՛ք Ձեր մտերիմներին
| |
դեպի վեր