Mamul.am
Ամբողջական տարբերակ Մամուլի խոսնակ
USD 494.37, EUR 585.48, RUB 6.41, GBP 645.35
+11 °C, +10 °C ... +20 °C Վաղը`+20 °C
Hay / Հայ | Рус | Eng | Tür
«ԿԳՄՍՆ-ն չարաբաստիկ չափորոշիչներով չի սահմանափակվելու»․ Գևորգ Էմին-Տերյան
22:15, 02.08.2020

Երևանի պետական համալսարանի մամուլի խոսնակ Գևորգ Էմին-Տերյանը ֆեյսբուքյան իր էջում գրել է. «Հարգելի ընկերներ, հատկապես ուսուցիչներ, արդեն պարզ է, որ ԿԳՄՍ-ն չարաբաստիկ չափորոշիչներով չի սահմանափակվելու։ Հետո ի հայտ են գալու նոր ճակատներ, որոնցից մեկն էլ, ենթադրում եմ, լինելու են հայերենի ու հայ գրականության ուսուցիչների իրավունքների սահմանափակումները (ատեստացիաներ, վերապատրաստումներ), որոնք կարող են վերաճել հետապնդումների։ Դա կանխելու և ուսուցիչների իրավունքները պաշտպանելու համար կարելի է ստեղծել «Հայոց լեզվի ու հայ գրականության ուսուցիչների արհմիություն», որը ոչ միայն կզբաղվի ուսուցիչների իրավունքների պաշտպանությամբ, այլև կգույքագրի ոլորտի խնդիրները ու կփորձի դրանք լուծել, կկազմակերպի որոշակի դասընթացներ։ Արհմիության վճարը կարող է լինել սիմվոլիկ գումար` ամսական 100 դրամ, որի դիմաց ուսուցիչները կստանան իրավաբանական և այլ բնույթի խորհրդատվություն ու աջակցություն։ Ի՞նչ կասեք»։

Տեղեկացրե՛ք Ձեր մտերիմներին
| |
դեպի վեր