+27 °C, +16 °C ... +28 °C Վաղը`+28 °C
Ինչպես արդեն հայտնել էինք, Ջերմուկի համայնքապետն այսօր ցուցարարներին հայտարարեց, որ վաղը կտեղափոխվեն և՛ «Լիդիանի», և՛ Ամուլսարի պահապանների վագոն-տնակները: Նա հորդորեց ցուցարարներին, որ հեռանան՝ ազատելով ճանապարհի երթևեկելի հատվածը: Մինչ ցուցարարները վճռում էին գնալ, թե մնալ բողոքի ակցիայի վայրում, բնապահպան Անի Խաչատրյանը հայտարարեց, որ, իր տեղեկություններով, վագոն-տնակները պատրաստվում են տարածքից հեռացնել ոչ թե 30 մետր այլ՝ 7: Հայտարարությունն առաջացրեց ցուցարարների վրդովմունքը: Ջերմուկի բնակիչ, ակտիվիստ Շիրակ Բունիաթյանը հորդորեց ակցիայի մասնակիցներին, որ այսօր գնան տուն՝ վաղը ակցիան շարունակելու ակնկալիքով. «Վաղը կունենանք քննարկումներ, կհասկանանք՝ ինչ ենք ուզում մենք, բացի այդ, կվերահսկենք, թե վագոն-տնակները քանի մետր են տեղափոխելու և ըստ այդմ կորոշենք մեր հետագա ինքնաբուխ անելիքները»,- ասաց Բունիաթյանը: Ցուցարարները համաձայնեցին նրա առաջարկին: Այսօրվա բողոքի ակցիան անցավ համեմատաբար հանդարտ. ոստիկանությունը ուժ չկիրառեց, ընթացան բանակցություններ ակցիայի մասնակիցների, ոստիկանների և Ջերմուկի համայնքապետի միջև: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am