Mamul.am
Ամբողջական տարբերակ Մամուլի խոսնակ
USD 494.01, EUR 585.25, RUB 6.47, GBP 646.41
+19 °C, +10 °C ... +21 °C Վաղը`+21 °C
Hay / Հայ | Рус | Eng | Tür
Թրամփը մտադիր է պատժամիջոցներ սահմանել Իրանին զենք վաճառելու համար
12:50, 18.09.2020

Իրանի հետ 2015-ի «միջուկային գործարքի» համաձայն՝ ՄԱԿ-ի էմբարգոն այդ երկրի հետ ավարտվում է հոկտեմբերի 18-ին, սակայն ԱՄՆ նախագահ Դոնալդ Թրամփը մտադիր է երկարաձգել սահմանափակումները, հաղորդել Է Reuters-ը:

Թրամփը նախատեսում է հրամանագիր ստորագրել, որը թույլ կտա ամերիկյան վարչակազմին երկրորդական պատժամիջոցներ սահմանել Իրանի հետ զենքի առևտրով զբաղվող ցանկացած պետության նկատմամբ: Փաստաթուղթը մասնավորապես ենթադրում է զրկել ընկերություններին ԱՄՆ շուկա մուտք գործելուց։

Ռուսաստանի, ԱՄՆ-ի, Մեծ Բրիտանիայի, Չինաստանի, Ֆրանսիայի և Գերմանիայի կողմից Թեհրանի հետ կնքված միջուկային գործարքի մյուս մասնակիցները և ՄԱԿ-ի Անվտանգության խորհրդի անդամների մեծ մասը հայտարարել են, որ չեն հավատում, որ ԱՄՆ-ն իրավունք ունի կրկին պատժամիջոցներ սահմանել:

Օտարերկրյա ընկերությունների մեծ մասը չի ցանկանում ռիսկի դիմել՝ ամերիկյան շուկայից հեռանալու, որպեսզի առևտուր անի փոքր երկրների հետ, ինչպիսին Իրանն է, նշել է գործակալությունը:

«Միացյալ Նահանգները դժգոհ է, որ միջուկային գործարքի գործընկերները չեն համաձայնել զենքի վերաբերյալ պատժամիջոցների չեղարկմանը»,- պարզաբանել է իրավաբան Դուգ Ջեյքոբսոնը:

Տեղեկացրե՛ք Ձեր մտերիմներին
| |
դեպի վեր