Քաղաքագետ Հայկ Մարտիրոսյանը ֆեյսբուքյան իր էջում գրել է. «Արցախի ճակատից ստացվող նոր տվյալներն սկսում են դառնալ դրականորեն հուսադրող: Բանակում տիրող տրամադրությունները կարծես թե սկսել են հստականալ և դրանք բարձր մարտական ոգու մասին են վկայում: Օրը խոստանում է հաջող լինել: Պետք է տեսնել թե ինչպես կզարգանան իրադարձությունները, բայց ընդհանուր առմամբ դրական դինամիկայի լուրջ միտում կա կարծես: Հուսով եմ` քաղաքական ղեկավարությունն այլևս չունի երեկվա ԱԺ նիստից ակնհայտ երևացող ճնշված տրամադրությունները և այսօրվա ու առաջիկա վճռական օրերին հայկական կողմը լուրջ հաջողություններ կարձանագրի: Ամեն դեպքում, Արցախում այդ լավատեսությունն այլևս սկսում է ընդգծված առկա լինել: Թե՛ քննադատությունը և թե՛ ճշմարտության արձանագրումը պետք է օբյեկտիվ լինեն: Հայկական կողմը պետք է մաքսիմալ և հնարավորության շրջանակներում բաց խոսի թե՛ սեփական կորուստների և թե՛ հաջողությունների մասին: Նկատելով բացթողումները` մեր ոգին չի կարող կոտրվել, որովհետև մենք միշտ ենք ոտքի կանգնել: Այս օրը պետք է այդ օրերի սկիզբը լինի: Ամեն դեպքում ադրբեջանական բլիցկրիգն ու պլան մաքսիմումն այլևս կարծես թե հստակորեն տապալված են: Ժամանակային առումով` երեկվա բացթողումներից հետո կարծես թե գալիս է հաջողություններ արձանագրելու հստակ ժամանակն ու պահը»: |