+28 °C, +16 °C ... +28 °C Վաղը`+28 °C
Ֆրանսիայի նախաձեռնությամբ սեպտեմբերի 30-ին հեռախոսազրույց է տեղի ունեցել ՌԴ նախագահ Վլադիմիր Պուտինի և Ֆրանսիայի նախագահ Էմանուել Մակրոնի միջև: Այդ մասին հաղորդվել է Կրեմլի կայքում: «Հանգամանորեն քննարկվել է ԼՂ հակամարտության գոտում իրավիճակի կտրուկ սրումը։ Վլադիմիր Պուտինը և Էմանուել Մակրոնը հակամարտող կողմերին շուտափույթ և լիակատար հրադադարի, լարվածության թուլացման և առավելագույն զսպվածության դրսևորման կոչ են արել: Ընդգծվել է, որ ԼՂ հակամարտության քաղաքական-դիվանագիտական ճանապարհով լուծումն այլընտրանք չունի։ Այս համատեքստում դիտարկվել են հետագա փոխգործակցության չափանիշները, առաջին հերթին՝ ԵԱՀԿ Մինսկի խմբի ձևաչափում։ Պատրաստակամություն է հայտնվել, որպեսզի Մինսկի խմբի համանախագահ երկրների (Ռուսաստան, Ֆրանսիա և ԱՄՆ) ղեկավարների անունից զինված դիմակայության անհապաղ դադարեցման և բանակցային գործընթացի վերսկսման օգտին հայտարարություն արվի»,- ասված է հաղորդագրության մեջ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am