Իսրայելի ԱԳ նախարարության գլխավոր տնօրեն Ալոն Ուշպիցին Army Radio-ի հաղորդավար Էֆի Թրիգերին ասել է, որ Իսրայելը ողջունում է Լեռնային Ղարաբաղում հրադադարի պայմանավորվածությունը և մտադիր է առաջիկա ամիսներին շարունակել հարաբերություններն ինչպես Ադրբեջանի, այնպես էլ Հայաստանի հետ։ Այս մասին հայտնել է Jerusalem Post-ը։ Թրիգերը նաև հարց է ուղղել, թե արդյոք պետք է հետաքննել Իսրայելի կողմից Ադրբեջանին զենքի վաճառքը, հաշվի առնելով, որ այդ երկիրը իսրայելական զինտեխնիկայի վաղեմի պատվիրատու է և անօդաչու թռչող սարքեր, հրթիռներ ու սպառազինության այլ առաջադեմ համակարգեր է գնում: Ուշպիցին ոչ մի պատասխան չի տվել։ |