«Մենք շարունակում ենք պայքարը՝ անկախ ցավից ու ստացած վերքերից»,- ուղերձով դիմելով հայ ժողովրդին՝ ասել է դերասան, սցենարիստ, կատակերգու Վարդան Պետրոսյանը: Նա վստահեցրել է՝ հաղթանակի գրավականը միասնությունն է. «Մեր ուժը միասնականության մեջ է: Այսօր չափազանց վտանգավոր է եսակարծությունը, ավելին, ամեն մի եսակարծություն մահափորձ է մեր ամբողջականության դեմ: Այսօր ավելի լավ է համր լինել, քան ամենախոս: Պատերազմում պարտվում է նա, ով շուտ է հոգնում և ընկճվում: Այս պահին մենք ընկճվելու իրավունք չունենք. ընկճվել, նշանակում է դավաճանություն, նշանակում է դաշույնի հարված հասցնել ռազմի դաշտում հերոսաբար կռվող մեր զինվորի թիկունքին»,- ասել է Պետրոսյանը: Մանրամասները՝ տեսանյութում: |