«Եկեք պայմանավորվենք, որ մենք չենք վախենալու ոչնչից, մենք թույլ չենք տալու արտաքին ու ներքին որևէ ուժի կասկած սերմանել ազատ ու երջանիկ մեր ապագայի նկատմամբ: Չենք վհատվելու նույնիսկ մեր սխալներից, վրիպումներից, անհաջողություններից: Այս ամենը չի փոխելու վերը շարադրված մեր ռազմավարությունը, որովհետև
Մենք պարտվել ենք, պարտվել ենք քանիցս
Եվ տեսել քմծիծաղը ստի,
Բայց մեր կամքը ամուր է քարից էլ,
Մեր ոգին հանձնվել չգիտի:

Դու հաղթող ես հայ ժողովուրդ, գնա ու վերցրոʹւ քո հաղթանակը, կանգնիʹր ու կերտիʹր քո հաղթանակը, և վստահ եղիʹր՝ քո ընտրած կառավարությունը ոչ մի րոպե չի շեղվել ու չի շեղվելու այս հաղթանակի ճանապարհը քեզ ցույց տալու իր գործից ու պարտականությունից: Եվ ուրեմն, կեցցեʹ ազատությունը, կեցցեʹ Հայաստանի Հանրապետությունը, Արցախի Հանրապետությունը, կեցցե հայոց բանակն ու հայ զինվորը և կեցցեն մեր երեխաները, որ ապրելու են ազատ ու երջանիկ Հայաստանում, ազատ ու երջանիկ Արցախում»,- այս խոսքերով ժողովրդին ուղղված իր ուղերձն ամփոփեց ՀՀ վարչապետ Նիկոլ Փաշինյանը: