Ազգային ժողովը երկրորդ ընթերցմամբ և ամբողջությամբ ընդունեց Կառավարության ներկայացրած ՀՀ քրեական օրենսգրքում փոփոխություններ կատարելու մասին օրենքի նախագիծը, որով նախատեսվում է ռազմական դրության, պատերազմի ժամանակ որոշակի գործողություններ կատարելու համար սահմանել առավել խիստ պատժաչափեր։ ՀՀ պաշտպանության փոխնախարար Գաբրիել Բալայանը հայտնեց, որ այս նախաձեռնության հետ կապված գրավոր առաջարկներ չեն եղել:
«Խնդիրը վերաբերում է ռազմական դրության հետ կապված հոդվածներում խստացումներ և հստակեցումներ սահմանելուն, մասնավորապես՝ 327-րդ, 327․1, 327․5, 327․6, 328-րդ, 356-րդ, 361-րդ, 362-րդ հոդվածներով նախատեսված արարքներին է վերաբերում»,- ասաց Գաբրիել Բալայանը։