Իրանի արտաքին գործերի նախարար Մոհամադ Ջավադ Զարիֆը ԻԻՀ պետական ռադիոհեռուստաընկերությանը տված հարազրույցում մտահոգություն է հայտնել Լեռնային Ղարաբաղի հակամարտության գոտում ահաբեկչական խմբավորումների ներկայացուցիչների ներկայության կապակցությամբ: «Իրանն իր սահմանների մոտ չի հանդուրժի ահաբեկիչների առկայությունը»,- Զարիֆի խոսքերն է փոխանցել Parstoday.com-ը: «Այսօր ահաբեկչական խմբավորումների ներկայացուցիչները Իրանի սահմանամերձ շրջաններում չեն, բայց նրանց ներկայության հավանականությունը սահմանի անմիջական հարևանությամբ բարձր է, և Թեհրանն այդ կապակցությամբ իր խիստ մտահոգությունն է հայտնել հակամարտող կողմերին։ Բանակցությունների ընթացքում մենք տեղեկացրել ենք Հայաստանի և Ադրբեջանի, ինչպես նաև Ռուսաստանի և Թուրքիայի ներկայացուցիչներին, որ Իրանը դա չի հանդուրժի»,- հավելել է ԱԳ նախարարը: |