Թբիլիսիի Խորավա փողոցում հրդեհի հետևանքով 2 մարդ Է զոհվել, հայտում է Sputnik Грузия-ն։ Արտակարգ իրավիճակների ծառայության տեղեկություններով՝ այրվել է եռահարկ բնակելի շենքի 2-րդ հարկը։ Դեպքի վայրում մոբիլիզացվել է հրշեջ-փրկարարների 7 բրիգադ։ Մինչ այդ կրակը տեղայնացվել է։ Հրդեհված բնակարանում հրշեջները հայտնաբերել են 2 դի։ Ականատեսների խոսքով՝ հրդեհը բռնկվել է առավոտյան ժամը 7։30-ի սահմաններում։ Թե ինչն է եղել հրդեհի պատճառը, դեռևս հայտնի չէ։ |