Հրադադարից ի վեր ավելի քան 17 հազար փախստական է վերադարձել Լեռնային Ղարաբաղ: Այս մասին նոյեմբերի 26-ին հայտարարել է Ռուսաստանի Պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը։
«Ամեն օր ռուս խաղաղապահների ուղեկցությամբ Լեռնային Ղարաբաղի ավելի քան 2 հազար բնակիչ, որոնք ավելի վաղ լքել էին իրենց տները մարտական գործողությունների պատճառով, վերադառնում են նախկին բնակության վայրեր։ Լեռնային Ղարաբաղ է վերադարձել ավելի քան 17 հազար մարդ»,- ասել է նա լրագրողներին։
Կոնաշենկովը հավելել է նաև, որ տարածաշրջանում պահպանվում է հրադադարի ռեժիմը շփման գծի ողջ երկայնքով: