ՆԱՏՕ-ի անդամ երկրները դեմ են միջուկային զենքի արգելքի մասին պայմանագրին։ Այս մասին ասված Է դաշինքի կայքում տեղադրված հայտարարության մեջ։
«Մենք վերահաստատում ենք մեր հանձնառությունը՝ պահպանելու և ամրապնդելու սպառազինությունների, զինաթափման և չտարածման վերահսկողությունը։ Մենք դեմ ենք միջուկային զենքի արգելքի մասին պայմանագրին, քանի որ այն չի արտացոլում միջազգային անվտանգության միջավայրը, որը գնալով ավելի բարդ է դառնում»,- նշված է հայտարարության մեջ։
Դաշինքում նաև առաջարկել են աշխարհի երկրներին միանալ «շոշափելի միջոցառումների միջոցով հավաքական անվտանգության ամրապնդման աշխատանքներին», որոնք կարող են նվազեցնել «ռազմավարական ռիսկերը»: Փաստաթղթում հստակեցված չէ, թե ինչ միջոցառումների մասին է խոսքը։
Միջուկային զենքի արգելման մասին պայմանագիրը պետք է ուժի մեջ մտնի 2021թ-ի հունվարի 22-ից: