Քաբուլում Աֆղանստանի ազգային անվտանգության աշխատակիցները ձերբակալել են «Իսլամական պետություն» խմբավորման գրոհայինին, որը ծրագրում էր սպանել Քաբուլում ԱՄՆ-ի դեսպանին, հայտնում է Pajhwok գործակալությունը՝ հղում անելով իր աղբյուրին:
Նրա տեղեկատվության համաձայն, ահաբեկիչ Աբդուլ Վահիդն ու նրա 3 համախոհները վնասազերծվել են երկրի արևելքում գտնվող Նանգարհար նահանգում:
Ինչպես պատմել է գործակալության զրուցակիցը, այդ գրոհայինը Քաբուլում ԱՄՆ-ի դեսպանի, ինչպես նաև Աֆղանստանի կառավարության մի քանի բարձրաստիճան պաշտոնյաների դեմ մահափորձ էր նախապատրաստում: