«Ժառանգություն» կուսակցության նախագահ Նարիեն Դիլբարյանը գրել է. «Ներկա ԱԺ-ն, իմքայլական պահպանվող մեծամասնությամբ՝ 74-76 ձայներով, շարունակում է արմատաքի մերժել խորհրդարանական փոխգործակցության ցանկացած իրական օրակարգ, այսինքն՝ միահամուռ խորացնում է համակարգային ճգնաժամը, որը սպառնում է Հայաստանի պետական անվտանգությանը 2020թ. նոյեմբերի 9-ի ՀՀ պարտության հայտարարությունից հետո, որը 2021թ. հունվարի 11-ի նոր հայտարարությամբ ոչ միայն չմեղմվեց, այլ նոր խնդիրներ հարուցեց: Փաստորեն քաղաքական ճգնաժամը հանգուցալուծելու իրավական-պետական բոլոր ուղիները Հայաստանում բացառում է հենց իշխանությունը, բայց ճգնաժամերը չեն կարող հավերժ լինել, դրանք ունեն ընթացքի օբյեկտիվ կանոններ, պատմական նախադեպեր, օրինակներ: Ոչ իրավական ընթացքը Հայաստանում նոր ցնցումներ կբերի: Ճնշումն ու հակազդեցությունը միմյանցից անբաժան են»: