Ռուսաստանի արտգործնախարար Սերգեյ Լավրովն անարդյունավետ է համարել Ղարաբաղի վերաբերյալ զգացմունքային հայտարարությունները։ Այս մասին նա ասել է երկուշաբթի կայացած մամուլի ասուլիսի ժամանակ։ Նա նշել է, որ հայ պաշտոնյաների որոշ հայտարարություններ, հավանաբար, լարվածություն են առաջացնում։ «Ես կարծում եմ, որ ավելի լավ կլիներ խուսափել դրանից։ Մինչ 44-օրյա պատերազմը, մենք ականատես եղանք Ղարաբաղից կամ Ղարաբաղի վերաբերյալ «նոր պատերազմ՝ նոր տարածքներ» էմոցիոնալ հայտարարությանը: Խոսքը նյութական ուժ է ստանում... Հույս ունեմ, որ զգացմունքները 2-րդ պլան կմղվեն»,- հավելել է Լավրովը: |