ՀՀ վարչապետ Նիկոլ Փաշինյանն այսօր խորհրդակցություն է անցակցրել Արդարադատության նախարարությունում։ Քննարկել են նախարարության ընթացիկ աշխատանքները և առաջիկա անելիքները։

«Շատ ուրախ եմ, որ դատական համակարգի բարեփոխումներին վերջին շրջանում հաղորդել ենք շատ մեծ թափ: Այդ բարեփոխումների արդյունքները միանգամից չէ, որ տեսանելի են դառնում, բայց համոզված եմ, որ հետևողական քայլերի շնորհիվ կկարողանանք հասնել այն նպատակի իրագործմանը, որն ունենք մեր առաջ. այն է՝ անկախ դատական համակարգի և արդար դատական համակարգի հաստատմանը»,- ասել է նա։