+26 °C, +15 °C ... +26 °C Վաղը`+32 °C
ԱՄՆ Ներկայացուցիչների պալատի արտաքին գործերի հանձնաժողովի անդամ Բրեդ Շերմանը պատասխան է պահանջել Ադրբեջանում ԱՄՆ դեսպան Լի Լիցենբերգերից: Այս մասին հայտնում է Ամերիկայի Հայ դատի հանձնախումբը (ANCA): Օրեր առաջ ԱՄՆ դեսպանը շնորհավորել էր Ալիևի վարչակարգին «տարածքային ամբողջականության վերականգնման» կապակցությամբ: Շերմանը խնդրել է ԱՄՆ դեսպանին բացատրել՝ արդյո՞ք Միացյալ Նահանգների քաղաքականությունն է գովել Բաքվին՝ ադրբեջանական ագրեսիայի հետևանքով սկսված վերջին պատերազմում ունեցած հաջողության կապակցությամբ: Շերմանը նշել է, որ Լիցենբերգերի արտահայտությունները, որոնք չեն հերքվել Բաքվում ԱՄՆ դեսպանատան կողմից, հակասում են պետքարտուղար Էնթոնի Բլինքենի հայտարարություններին: Ի պատասխան սենատորներ Ռոբերտ Մենենդեսի և Էդ Մարքիի հարցումներին՝ պետքարտուղար Բլինքենը նշել էր. «Լեռնային Ղարաբաղում վերջերս ռազմական գործողությունների բռնկման ֆոնին, Բայդեն-Հարիս վարչակազմը կվերանայի անվտանգության ոլորտում մեր օգնությունն Ադրբեջանին»։ Ադրբեջանում ԱՄՆ դեսպանի հայտարարության վերաբերյալ ավելի վաղ իր մտահոգությունն էր հայտնել նաև Հայ դատի ԱՄՆ հանձնախումբը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am