Հայաստանի պաշտպանության նախարար Վաղարշակ Հարությունյանը РИА Новоси-ին տված հարցազրույցում չի բացառել, որ Հայաստանում Ռուսաստանի հետ համատեղ զենք կարտադրվի։
«Հնարավո՞ր է արդյոք Հայաստանում Ռուսաստանի հետ համատեղ զենքի արտադրություն սկսել»,- հարցրել է լրագրողը:
«Ինչու ոչ։ Սկսեմ նրանից, որ Հայաստանում արդեն գործում են հայ-ռուսական համատեղ ձեռնարկություններ, և այդ ուղղությամբ հետագա աշխատանքներ են տարվում։
Բացի այդ, կշարունակվի հանրապետության տարածքում սպառազինության և ռազմական տեխնիկայի վերանորոգման և արդիականացման տարածաշրջանային սերտիֆիկացված կենտրոնների ցանցի ստեղծման ու ընդլայնման աշխատանքը, ինչը պակաս կարևոր չէ՝ հաշվի առնելով հարցի ֆինանսատնտեսական կողմը»,- պատասխանել է նախարարը: