Պուտինն ու Լուկաշենկոն բանակցություններից հետո կրկին սահել են դահուկներով
20:20, 22.02.2021 | mamul.am
5840 | 0
Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն բանակցություններից հետո դահուկներով սահել են Կրասնայա Պոլյանայում: Լանջերից մեկի վրա նախագահները հասել են ձնագնացներով։ Լուկաշենկոն առաջ է անցել և առաջինը տեղ հասել։ Բայց վայրէջքի ժամանակ առաջինը եղել է Պուտինը։ Պետությունների ղեկավարները դահուկներով սահելիս ողջունել են հանգստացողներին: Լուկաշենկոն մի քանի օր առաջ ժամանել էր ՌԴ՝ Ռուսաստանի իշխանությունների հետ բանակցություններ վարելու համար։ Պուտինը Սոչիում կայացած հանդիպման ժամանակ իր գործընկերոջը հրավիրել է դահուկներով սահելու՝ «աշխատանքային ժամերից հետո հանգստանալու»: ՌԴ-ի և Բելառուսի ղեկավարները դահուկներով սահել են նաև 2019 թվականին։ Այդ ժամանակ նրանց հետ եղել է Բելառուսի նախագահի կրտսեր որդին՝ Կոլյա Լուկաշենկոն:
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1: