Նիգերիայում ԻՊ-ի (ԴԱԻՇ) գրոհայինները հարձակվել են ՄԱԿ-ի բազայի վրա։ Տասնյակ աշխատակիցներ թաքնվել են ապաստարանում։ Այս մասին հայտնում է AFP-ն։ Դեպքը տեղի է ունեցել երկրի հյուսիս-արևելքում՝ Բորնո նահանգում։ Մարդասիրական կենտրոնն ամբողջությամբ այրվել է, նախնական տվյալներով, աշխատակիցներից ոչ ոք չի տուժել: «Մենք ունենք 25 աշխատակից, որոնք թաքնվում են ապաստարանում, որը գրոհայինները պաշարել են։ Անձնակազմից որևէ մեկը չի տուժել»,- ասել է գործակալության աղբյուրը։ ՄԱԿ-ում պարզում են տեղի ունեցածի բոլոր հանգամանքները։ |