Վրաստանի իշխանությունները պատրաստ են շարունակել կառուցողական երկխոսությունն ընդդիմության հետ` քաղաքական ճգնաժամը լուծելու և նորմալ աշխատանքին վերադառնալու համար։ Այս մասին հինգշաբթի կառավարության նիստի ժամանակ հայտարարել է Վրաստանի վարչապետ Իրակլի Ղարիբաշվիլին։
«Մենք պատրաստ ենք շարունակել կառուցողական երկխոսությունը և ամբողջությամբ կիսում ենք Եվրոխորհրդի առաջարկություններն ու խորհուրդները, որպեսզի որքան հնարավոր է շուտ բոլորս միասին` ինչպես ընդդիմությունն, այնպես էլ իշխանությունը, գտնենք ընդհանուր լեզու և համաձայնության գանք»,- ասել է Ղարիբաշվիլին:
Նա նաև ողջունել է Եվրոխորհրդի ղեկավար Շառլ Միշելի անձնական ներկայացուցչի պաշտոնում Քրիստիան Դանիելսոնի նշանակումը՝ իշխանության և ընդդիմության միջև երկխոսություն միջնորդելու համար: Վարչապետը հավելել է, որ բանակցությունների հաջող ավարտն առաջին հերթին ձեռնտու է երկրի բնակիչներին։
Արդեն 5-րդ ամիսն է, ինչ Վրաստանը գտնվում քաղաքական ճգնաժամի մեջ։