ԱԺ նախկին պատգամավոր Արսեն Ջուլֆալակյանը ֆեյսբուքյան իր էջում գրել է. «Միշտ հետաքրքիր է եղել՝ ինչի՞ կամ ո՞ւմ վրա են դնում հույսները տարածաշրջանի այն քաղաքական ուժերը, որոնք ընդգծված հակառուսական են։ Այնքան ամեն ինչ ակնհայտ է, որ նույնիսկ պետք չէ օրինակներ բերել, թե ինչ է լինում այն երկրների հետ, որոնք այդ գիծն են փորձում առաջ տանել։ Երկու բառով ասած՝ վերածվում են առնվազն ձախողված պետության (failed state).
Ասածս բնավ չի նշանակում, որ պարտադիր պետք է պրոռուսկան լինել, բայց հակառուսական հաստատ չպետք է լինել։ Դրանք տարբեր բաներ են, հասկացողները կհասկանան։
Չնայած, ֆոնը պահելու համար
արժի նաև այդպիսի ուժեր ունենալ։ Բացի ամեն ինչից, դա նաև, հավանաբար, շահութաբեր է։
Հ.Գ. ինչ որ առումով ափսոս են այն մարդիկ, ովքեր գաղափարային առումով օգտագործվում են»: