«Մեր ծանրորդների ելույթները գնահատում եմ լավ, բարձր, հուսադրող: Տեսնում եմ, որ 2-3 տարի հետո այս հավաքականը լինելու է աշխարհի ուժեղագույններից մեկը»,- օդանավակայանում լրագրողների հետ զրույցում ասաց ԿԳՄՍ փոխնախարար Կարեն Գիլոյանը` անդրադառնալով Եվրոպայի առաջնությանը մեր հավաքականի արդյունքներին: Ինչ վերաբերում է ձախողումներին` փոխնախարարը նշեց. «Սիմոն Մարտիրոսյանն այն կարգի ծանրորդ է, որ չի պայքարում զրո չստանալու համար, պայքարում է միայն չեմպիոն դառնալու համար: Սիմոնն իրականում 15 օր էր մարզվել: Ծնկի վիրահատություն էր տարել: Վստահ եմ, որ նա ամենևին չի կոտրվել ու Օլիմպիական խաղերի ֆավորիտն է` առանց կասկածի»: