Mamul.am
Hay / Հայ | Рус | Eng | Tür
USD 523.10, EUR 631.17, RUB 7.03, GBP 733.65
+14 °C, +15 °C ... +28 °C Վաղը`+27 °C
Ավստրիան պատրաստ է հարթակ տրամադրել Պուտին-Բայդեն հանդիպման համար
14:16, 14.04.2021

Ավստրիան միշտ պատրաստ է հարթակ տրամադրել Ռուսաստանի նախագահ Վլադիմիր Պուտինի և ԱՄՆ նախագահ Ջո Բայդենի հնարավոր հանդիպման անցկացման համար, եթե կողմերը որոշեն հանդիպում անցկացնել այդ երկրի տարածքում: Այս մասին հայտնում է ТАСС-ը՝ հղում անելով Ավստրիայի ԱԳՆ-ը։

Ինչպես հայտնել են Սպիտակ տանը և Կրեմլում, Ռուսաստանի և ԱՄՆ-ի նախագահներ Վլադիմիր Պուտինն ու Ջո Բայդենը երեքշաբթի հեռախոսով քննարկել են առաջիկա ամիսներին անձնական հանդիպման հնարավորությունը:

«Նման գագաթնաժողով անցկացնելու, ինչպես նաև դրա անցկացման վայրի ու ժամանակի մասին որոշումը կայացնելու են 2 երկրները։ Ավստրիան, իհարկե, միշտ կլինի բոլոր տեսակի բարձր մակարդակի բանակցությունների մասնակիցների տրամադրության տակ»,- նշել է Ավստրիայի ԱԳՆ ներկայացուցիչը՝ պատասխանելով այն հարցի, թե պատրաստ է արդյոք իր երկիրը դառնալ գագաթնաժողովի անցկացման վայր՝ հաշվի առնելով, որ Վիեննան նախկինում նման հանդիպման համար իր հարթակն է առաջարկել։

Տեղեկացրե՛ք Ձեր մտերիմներին
| |
դեպի վեր