Ադրբեջանի նախագահ Իլհամ Ալիևը նախկինում առաջարկել է վերականգնել Լեռնային Ղարաբաղը և «ոտքի կանգնեցնել Հայաստանը», եթե հայկական կողմը համաձայներ խաղաղ ճանապարհով կարգավորել հակամարտությունը Ղարաբաղում: Այս մասին «Բելառուս 1» հեռուստաալիքի եթերում հայտնել է Բելառուսի նախագահ Ալեքսանդր Լուկաշենկոն: Հիշեցնենք՝ ավելի վաղ bagramyan26 տելեգրամ ալիքը հրապարակել էր ձայնագրություն, ըստ որի՝ Բելառուսի նախագահ Ալեքսանդր Լուկաշենկոն Ալիևի անունից ՀՀ երրորդ նախագահ Սերժ Սարգսյանին 5 միլիարդ դոլար է առաջարկում Արցախի 7 շրջաններից հրաժարվելու դիմաց, Սերժ Սարգսյանը մերժում է առաջարկը՝ ասելով, որ ինքը պատրաստ է 6 միլիարդ դոլար տալ Ալիևին, որպեսզի վերջինը հրաժարվի 7 շրջանից: |