Վլադիմիր Պուտինն ու Ալեքսանդր Լուկաշենկոն հեռախոսազրույց են ունեցել: Այս մասին հայտնում է Կրեմլի պաշտոնական կայքը։ Նշվում է, որ 2 երկրների ղեկավարները քննարկել են ռուս-բելառուսական դաշնակցային հարաբերությունների վերաբերյալ հարցեր: Բացի այդ, նրանք անդրադարձել են Լեռնային Ղարաբաղում իրավիճակի կարգավորմանը՝ Լուկաշենկոյի՝ վերջերս Ադրբեջան կատարած այցի համատեքստում: Կրեմլի մամուլի ծառայության տվյալներով՝ նախագահները պայմանավորվել են շարունակել շփումները տարբեր մակարդակներում: |