+16 °C, +16 °C ... +29 °C Վաղը`+28 °C
ԱԺ «Իմ քայլը» խմբակցության պատգամավոր Արմեն Խաչատրյանը արձագանքելով Լևոն Զուրաբյանի հայտարարությանը, ըստ որի՝ Հայաստանի ղեկավարը ստախոս է, նշել է. «Ես հավատում եմ ՀՀ վարչապետին, որին հավատացել է մի ողջ ժողովուրդ: Եթե Լևոն Զուրաբյանը, չգիտեմ ինչ է ասել, ձեզնից եմ լսել, բայց եթե սուտասան բառով է հայտարարություն անում, ուրեմն ընդհանրապես նրա ասածին արձագանք չեմ էլ տա»: Հիշեցնենք՝ «Ազատությունը» «Կիրակնօրյա վերլուծական Հրայր Թամրազյանի հետ» հաղորդման ընթացքում զրուցել է Հայ ազգային կոնգրես կուսակցության փոխնախագահ Լևոն Զուրաբյանի հետ: Հարցին՝ այս շաբաթ Ազգային ժողովում Նիկոլ Փաշինյանն ասաց, որ «2018 թվականի ամռանը առաջին նախագահի հետ հանդիպում է եղել, և գաղտնիք բացեմ՝ ինչ է ասել ինձ Տեր-Պետրոսյանը 2018 թվականի հուլիսին, ասել է՝ հողերը պետք է տաս», Լևոն Զուրաբյանը պատասխանել է. «Ես ցավով պետք է արձանագրեմ, որ Հայաստանի ղեկավարը ստախոս է, որովհետև նման բան չի եղել, ընդ որում՝ Նիկոլ Փաշինյանը դա շատ կատեգորիկ ձևով է ասում: Դա բացարձակ սուտ է, դա չի համապատասխանում իրականությանը, նման բան չի եղել»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am