Հանրահայտ ռոք երաժիշտ, System of a Down խմբի մենակատար Սերժ Թանկյանը Instagram-ում տեղադրել է Հայոց Ցեղասպանության վերաբերյալ ԱՄՆ նախագահ Ջո Բայդենի հայտարարությունն ու շնորհակալություն հայտնել նրան:

«Շնորհակալ եմ նախագահ Ջո Բայդենին՝ այսօր հավուր պատշաճի Հայոց ցեղասպանությունը ճանաչելու համար։ Դա չափազանց կարևոր քայլ է, բայց ընդամենը արդարության երկար ճանապարհի ուղենիշ, որը պետք է անցնի Թուրքիան: Այսօր ես շնորհակալություն եմ հայտնում ԱՄՆ-ին և բոլոր նրանց, ովքեր տարիներ շարունակ համառորեն պայքարել են այդ հայտարարության համար»,-գրել է Թանկյանը։